Основањето на МОЈ БРОКЕР е логичен резултат на повеќегодишното искуство на основачите во делувањето на македонскиот пазар на капитал и желбата да се  понудат нови и поквалитетни услуги.

МОЈ БРОКЕР е членка на Македонска берза АД Скопје и Централен депозитар за хартии од вредност АД Скопје и активно тргува на македонскиот пазар од 2008 година.

Нашата мисија е да дадеме свој придонес во развојот на домашниот пазар на капитал преку континуирано воведување на нови услуги и зголемување на квалитетот и вредноста на услугата што нашите клиенти ја добиваат од нас.

Во МОЈ БРОКЕР АД Скопје сме посветени на максимизирање на вредноста на инвестициите на секој наш клиент и успешно извршување на секоја трансакција која ја работиме во име на нашите клиенти.

Во МОЈ БРОКЕР веруваме дека успешните, долгорочни односи со нашите клиенти се базираат на доверба. Довербата, разбирањето на барањата на клиентите и вреднувањето на интересите на секој клиент е основа на добрите решенија и долгорочна соработка.

Нашата цел е секојдневно да ја стекнуваме довербата на клиентите така што ќе ги исполниме сите наши ветувања. Ние знаеме дека довербата на нашите клиенти е наше најголемо богатство.

МОЈ БРОКЕР на клиентите им овозможува тргување со акции и обврзници на класичен начин или преку електронско тргување, како и инвестиционо советување и изработка на инвестициони анализи и стратегии.

Притоа, МОЈ БРОКЕР за своите клиенти нуди комплетна подршка во одлучувањето. Нашите вработени се во постојан контакт со клиентите нудејќи им поддршка при избор на начинот на инвестирање, имајќи ја притоа во предвид ликвидноста на пазарот и непроценливата важност на навремените информации.

Во МОЈ БРОКЕР силно веруваме во потенцијалите на македонската економија. Во тој контекст, убедени сме и во перспективата на нашиот пазар на капитал и активно работиме да го осигураме нашето место во тој процес.

Преку агресивен настап на пазарот настојуваме да ги  прошириме на активностите на МОЈ БРОКЕР на нашиот пазар. Настојуваме да ја зголемиме репутацијата на нашата куќа со понуда на конкурентни и високо квалитетни услуги и на тој начин да го  засилиме и развиеме нашиот бренд. 

Нашата крајна цел е МОЈ БРОКЕР да стане водечка независна брокерска куќа на македонскиот пазар на капитал.